اسلام آباد(نیوزڈیسک) راولپنڈی میں جنگلی حیات کے پارک میں اکیلا رہ جانے والا شیر اور دو بارہ سنگھے ہلاک ہو گئےاطلاعات کے مطابق جانوروں کی ہلاکت سخت گرمی اور غیر معیاری خوراک سے ہوئی۔راولپنڈی کے نواح میں واقع لوہی بھیر پارک کے ڈپٹی ڈائریکٹر انور امان نے بتایا کہ ہلاکتوں کی وجہ جاننے کیلئے تحقیقات کی جائیں گی۔1992 میں بننے والے اس پارک کا شمار پنجاب کے تین سب سے بڑے جنگلی حیات کے پارکس میں ہوتا ہے۔یاد رہے کہ پاکستان میں چڑیا گھروں کے جانوروں کی سخت گرمی اور غیر معیاری سہولیات کی وجہ سے اموات عام ہیں