اسلام آباد(نیوز ڈیسک)جھنگ دریائے جہلم میں آنے والے سیلابی ریلے نے تباہی مچا دی 32دیہات زیر آب درجنوں مویشی پانی کی نظر کھیت کھلیان تباہ ،انتظامیہ خواب خرگوش کے مزہوں میں ۔ تفصیلات کے مطابق جھنگ کے قریب سے گزرنے والے دریائے جہلم میں گزشتہ روز آنے والے سیلابی ریلے نے ضلع جھنگ کے 32دیہاتوں، قصبوں میں تباہ مچاتے ہوئے سیکڑوں ایکٹ اراضی کو بھی تباہ کر دیا جن علاقوں کو سیلابی پانی نے اپنی لپیٹ میں لیا ہے ان میں پیر کوٹ ،سدھانہ، نکے بلوچ، دھبی بلوچاں دی ، کدی، لطیف شاہ،کامرہ ،موضع دراج ،لﺅ سمیت دیگر قریب واقع قصبہ جات شامل ہیں سیلابی پانی نے فصلیں ، مکانات کو شدید نقصان پہنچاتے ہوئے تحصیل اٹھارہ ہزاری سے ہوتے اب تحصیل احمد پور سیال کے دیہاتوں کی طرف گامزن ہے دوسری جانب اہل علاقہ نے میڈیا کے نمائندوںکو بتایا کہ سیلابی ریلے کو آئے 2روز گزر گئے ہیں اب تک ضلعی انتظامیہ کی جانب کوئی مدد کو نہیں آیا اور نہ ہی سیلاب بارے ہمیں بروقت اطلاع دی گئی تھی سیلاب متاثرین نے میڈیا کے توسط سے وزیر اعظم پاکستان میاں محمد نواز شریف ، وزیر اعلی پنجاب میاں محمد شہباز شریف سے فوری نوٹس لینے اور ضلعی انتظامیہ کی نا اہل اور غفلت برتنے پر سخت کارروائی کا مطالبہ کیا ہے ۔
مزید پڑھیے:پا کستانی طلبہ نے فٹبال کھیلنے والے ربورٹ تیار کر لیے
