کراچی(نیوزڈیسک)امریکی اخبار کی رپورٹ کے بعد ملکی اور عالمی میڈیا کی توجہ حاصل کرنیوالی کمپنی ایگزیکٹ کیخلاف ایف آئی اے کی تحقیقات کی تازہ معلومات سامنے آگئیں، ذرائع بتاتے ہیں کہ ایگزیکٹ کے کراچی میں دفتر کا ڈیٹا 30 ٹیرا بائٹ پر مشتمل ہے ۔ ایف آئی اے ذرائع کے مطابق اس ڈیٹا کو حاصل کرنے میں 10 سے 15 دن لگ سکتے ہیں ،کارروائی جلد مکمل کرنے کے لیے اسلام آباد سے عملہ اور مشینیں منگوانے کا فیصلہ کیا گیاہے جبکہ ایف آئی اے سائبرکرائم کوڈیلیٹ ڈیٹاکی ری کوری کاٹاسک دیا گیاہے۔