اسلام آباد(نیوز ڈیسک) کوئٹہ ماشکے کے علاقے کوئے سفید میں ایف سی کے سرچ آپریشن کے دوران فائرنگ کے تبادلے میں ایک دہشت گرد ہلاک جبکہ تین کو گرفتار کر لیاگیا جبکہ ایف سی کے دو اہلکار زخمی ہو گئے ۔ میڈیا رپورٹ کے مطابق منگل کے روز کوئٹہ ماشکے کے علاقے کوئے سفید میں ایف سی نے سرچ آپریشن کیا جس میں دہشت گردوں کے ساتھ فائرنگ کا تبادلہ ہوا جس کے نتیجے میں ایک دہشت گرد ہلاک جبکہ تین کو گرفتار کر لیا گیا ۔ دہشت گردوں کی فائرنگ سے ایف سی کے دو اہلکار زخمی بھی ہوئے ۔ ایف سی کے مطابق گرفتار دہشت گردوں کے قبضے سے بھاری مقدار میں اسلحہ اور گولہ بارود برآمد ہوا ہے ۔ گرفتار دہشت گردوں کو تفتیش کے لئے نامعلوم مقام پر منتقل کر دیا گیا ۔