اسلام آباد(نیوز ڈیسک)آئندہ 2 روز میں جڑواں شہروں سمیت کشمیر ،پنجاب اور خیبر پختونخواہ کے متعدد مقامات پر تیز ہواﺅں اور گرج چمک کے ساتھ بارش کا امکان ہے جبکہ ملک کے بیشتر علاقے شدید گرمی کی لپیٹ میں رہیں گے ۔محکمہ موسمیات کے مطابق آئندہ24 گھنٹوں کے دوران راولپنڈی ،اسلام آباد ،ساہیوال،لاہور،سرگودھا، بہاولپور،ملتان،مالاکنڈ، ہزارہ، پشاور،کوہاٹ،سکھر ڈویڑن،فاٹا، گلگت بلتستان اور کشمیر میں چند مقامات پرتیز ہواﺅں اور گرج چمک کے ساتھ بارش کا امکان ہے جبکہ ملک کے میدانی علاقوں میں موسم گرم اور خشک رہے گااور شدید گرمی کی لپیٹ میں رہے گا اور کشمیر، گلگت بلتستان اور جنوب مشرقی پنجاب میں مطلع جزوی طور پرابر آلود ہے۔محکمہ موسمیا ت کے مطابق گزشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا۔ تاہم کشمیر،گلگت بلتستان،بالائی خیبر پختونخواہ، جنوبی پنجاب اور بالائی سندھ میں چند مقامات پر تیز ہواﺅں اور گرج چمک کے ساتھ بارش ہوئی۔ سب سے زیادہ بار گڑھی دوپٹہ میں22 ملی میٹر جبکہ کوٹلی 03، لاڑکانہ02،ڈی جی خان، ملتان اور گلگت میں01ملی میٹربارش ریکارڈ کی گئی جبکہگزشتہ روز ریکارڈ کیے گئے گرم ترین مقامات جن میں سندھ ،بلوچستان اور جنوبی پنجاب کے بیشتر علاقے شدید گرمی کے زیر اثر رہے۔سب سے زیادہ درجہ حرارت دادو میں49 ڈگری سینٹی گریڈ جبکہ شہید بینظیر آباد، سبی 48، پڈعیدن47، لاڑکانہ46، موہنجوداڑو45، جیکب آباد اور تربت میں44 ڈگری سینٹی گریڈ ریکارڈ کیا گیا۔