لاہور (نیوزڈیسک)ن لیگ یا تحریک انصاف ،جماعت اسلامی مشکل میںپڑ گئی،تحریک انصاف کےوائس چیئرمین شاہ محمود قریشی اور جماعت اسلامی کے امیر سراج الحق میں ٹیلیفونک رابطہ ہوا۔ جماعت اسلامی نے پی پی 196 میں پی ٹی آئی کی حمایت کا اعلان کر دیا۔ذرائع کے مطابق تحریک انصاف کے وائس چیئرمین شاہ محمود قریشی نے جماعت اسلامی کے امیر سراج الحق سے ٹیلیفونک رابطہ کیا اور پی پی 196 کے ضمنی انتخابات میں تحریک انصاف کے امیدوار رانا جبار کی حمایت کا مطالبہ کیا جس پر جماعت کے امیر نے تحریک انصاف کے انتخابات میں حمایت کی یقین دہانی کرا دی ہے۔ اس سے پہلے جماعت اسلامی نے مسلم لیگ (ن )کے امیدوار رانا محمود الحسن کی حمایت کا اعلان کیا تھا تاہم جماعت اسلامی کی مقامی قیادت کے مطابق انہیں تاحال سراج الحق کی جانب سے تحریک انصاف کے امیدوار کی حمایت کے احکامات نہیں ملے۔