پشاور(آن لائن)پشاورکینٹ میں دہشت گردی کے خطرات کے پیش نظر ایف سی ہیڈکوارٹرسے ملحقہ قریبی مارکیٹیں بھی بند کردی گئیں۔ میڈیارپورٹ کے مطابق پولیس کا کہنا ہے کہ گذشتہ چندروز سے ایف سی ہیڈکوارٹر اور ملحقہ مارکیٹس کو دہشتگرد دھمکیاں مل رہی ہیں جس کے بعد ہفتہ کی صبح سویرے ایف سی چوک کے قریب شاہراہ کو یکطرفہ کردیاگیا ہے۔ جسے پانچ گھنٹوں بعد کھول دیاگیاہے۔ ایف سی ہیڈکوارٹراور اس سے ملحقہ تجارتی مراکز سیکیورٹی خدشات کے پیش نظر بند ہیں۔ جہاں ایف سی اور پولیس کی اضافی نفری تعینات کی گئی ہیں۔ اس کے علاوہ پشاور کے دیگر حساس مقامات پر بھی پولیس نفری بڑھا کر سیکیورٹی الرٹ کر دی گئی ہے۔