کراچی (نیوزڈیسک)رینجرز نے کراچی کے مختلف علاقوں میں ٹارگٹڈ آپریشن کر کے ٹارگٹ کلر اور کالعدم جماعت کے کارندوں سمیت 78مشتبہ افراد کو گرفتار کرلیا ہے، ملزموں سے بھاری مقدار میں اسلحہ بھی بر آمد کیا گیا۔ جمعہ کو ترجمان رینجرز کے مطابق رینجرز نے کراچی کے مختلف علاقوں خیمو گوٹھ، کورنگی، لانڈھی، گلشن اقبال، شاہ فیصل کالونی سمیت دیگر علاقوں میں ٹارگٹڈ آپریشن کر کے 78مشتبہ افراد کو گرفتارکرلیا ہے جن میں ٹارگٹ کلرز، بھتہ خور اور کالعدم تنظیموں کے کارندے شامل ہیں اور گرفتار ملزمان کے قبضے سے بھاری مقدار میں اسلحہ بھی برآمد کیا گیا ہے جس میں ایس ایم جی رائفلیں اور پستول شامل ہیں۔