اسلام آباد(نیوزڈیسک)ایم ڈی پرنٹنگ کارپویشن موسیٰ رضا آفندی نے مبینہ دھاندلی کے کمیشن کو بتایاہے کہ آخری بیلٹ پیپر 10 مئی کو چھپ گئے تھے ، 11مئی تک کام کرنے کی بات درست نہیں ۔ جمعہ کو مبینہ انتخابی دھاندلی کے جوڈیشل کمیشن کی کارروائی چیف جسٹس ناصر الملک کی سربراہی میں ہوئی ۔ الیکشن 2013 کے وقت پرنٹنگ کارپویشن آف پاکستان کے منیجنگ ڈائریکٹر موسی رضا نے بتایا کہ انتخابی مواد کی چھپائی کےلئے 18 اپریل کو تحریری درخواست دی گئی، پریس کے اندر اور باہر فوج موجود تھی ، اردو بازار سے مزدور بلوانے کے سوال پر موسی رضا نے قبول کیا کہ 60 سے 70لوگ منگوائے گئے البتہ یہ بات درست نہیں 100 لوگ 11 مئی کی شام تک کام کرتے رہے ۔ تحریک انصاف کے وکیل حفیظ پیرزادہ نے استفسار کیا کہ یہ سمجھ نہیں آتا کہ 24 بندوں میں پپو کون تھا۔ اس پر ججز نے انہیں یہ سوال کرنے سے روک دیا۔ ایم ڈی موسی ٰ رضا نے بتایا کہ امیدواروں کی حتمی فہرست تاخیر سے ملنے کی وجہ سے چھائی کا کام دیر سے شروع ہوااور 12 حلقوں کے بیلٹ پیپر دوبارہ چھاپنا پڑے۔