کراچی(نیوزڈیسک)سندھ پولیس کے کرپٹ افسران کی فہرست تیار کرنا شروع کردی گئی ہے، اعلی عہدوں پر فائز پولیس افسران سب سے زیادہ اثاثوں کے مالک نکلے ہیں۔تفصیلات کے مطابق سندھ حکومت کی جانب سے پولیس کے اعلی افسران کی کے اثاثہ جات کی فہرست مرتب کی گئی ہے جس میں کچھ ایسے افسران کے نام بھی شامل ہیں جو ایماندار ہیں لیکن زیادہ ترکرپٹ نکلے ہیں۔فہرست کے مطابق ڈی آئی جی، اے آئی جی سے لے ڈی ایس پی کی سطح کے افسران کے اثاثہ جات کی بھی جانچ پڑتال کی گئی ہے۔ذرائع کے مطابق کئی اعلی افسران کروڑوں روپے مالیت کے بنگلے، ہوٹلز، پٹرول پمپ اور بیرونِ ملک کاروبار کے مالک نکلے جبکہ کچھ کے بلڈرز کے ساتھ کاروباری تعلقات ہیں۔اس ضمن میں سی پی ایل سی کے سابق سربراہ جمیل یوسف نے کہاکہ پاکستان کی بدقسمتی یہ ہے کہ یہاں کوئی ایسا ادارہ نہیں جو کہ کسی بھی برسراقتدار شخص کا احتساب کرسکے۔انہوں نے کہاکہ ان تمام حرکتوں سے نقصان ریاست کا ہوتا ہے احتساب صرف پولیس کا ہی نہیں بلکہ تمام بیوروکریسی کا ہونا چاہئیے۔