اسلام آباد(نیوز ڈیسک)بحریہ ٹاﺅن نے غریبوں ،یتیموں اور مسکینوں کو مفت گھر دینے کا اعلان کر دیاہے۔تفصیلات کے مطابق بحریہ ٹاﺅن کے مالک ملک ریاض نے کہاہے کہ بحریہ ٹاﺅن میں غریب لوگوں کو مفت گھر دینے کیلئے جو فارم دیے جائیں گے ان کی کوئی فیس نہیں رکھی گئی ہے بلکہ اخبارات میں خبر غلط چھپی ہے فارم کی کوئی فیس نہیں ہو گی بلکہ فارم اخبارات میں سے کاٹ کر اور ویب سائٹ سے مفت ڈاﺅن لوڈ کیے جاسکیں گے۔ملک ریاض کا کہناتھا کہ ایک سال میں ایک ہزار گھر غریبوں میں مفت دیے جائیں گے اور انہیں بحریہ ٹاﺅن ہسپتال میں مفت علاج کی سہولت بھی میسر ہو گی۔ان کا کہناتھا کہ جن لوگوں میں گھر تقسیم کیے جائیں گے ان کے بچے بحریہ ٹاﺅن کالج او ر یونیورسٹی میں مفت تعلیم بھی حاصل کریں گے۔