لاہور ( نیوز ڈیسک)پیپلزپارٹی کے سینٹر رحمان ملک نے کہا ہے کہ کسی کی بہن کو پھولن دیوی کہنا اور سلطان راہی کی طرح بڑھکیں مارنے کا انداز مناسب نہیں ہے۔ میڈیا سے گفتگو کرتے ہوئے رحمان ملک کا ذوالفقار مرزا کے حوالے سے کہنا تھا کہ ماؤں بہنوں کو اس طرح کی تلخ سیاست میں شریک کرنا اچھی بات نہیں۔ رحمان ملک کا کہنا تھا کہ لاہور کا موسم بھی گرم ہے اور لاہور کی سیاست بھی گرم ہو رہی ہے۔ این اے 125 کا معاملہ عدالت میں ہے۔ عدالت کے فیصلے کا انتظار کرنا چاہیے۔ سیاست کو سیاست کی طرح کرنا چاہیے۔