اسلام آباد (نیوزڈیسک) سابق صدر پرویز مشرف نے کہا ہے نواز شریف نے اپنے گزشتہ دور حکومت میں کہا تھا نجم سیٹھی کو آئی ایس آئی کے حوالے کردیں۔ نجی ٹی وی سے انٹرویو میں مشرف نے کہا میں نے نواز شریف کی حکم عدولی کی سیٹھی کیخلاف کوئی ایکشن نہ لیا شاہد اسی وجہ سے وہ مجھ سے ناراض تھے، ایک سوال کے جواب میں سابق صدر کا کہنا تھا مجھے نہیں پتہ زرداری کا ان سے کیا اختلاف ہے، انہوں نے دعویٰ کیا کہ چین کے ساتھ اقتصادی راہداری منصوبہ ان کے دور میں شروع ہوا، کراچی بدامنی کے حوالے سے مشرف کا کہنا تھا کراچی میں ہر تنظیم کے ساتھ مسلح گروہ ہیں ان میں جماعت اسلامی، پیپلزپارٹی اور ساری سیاسی جماعتیں شامل ہیں، نیشنل پارٹی ایم کیو ایم لیاری کی تنظیمیں ماضی میں بھی دست گریبان رہیں