اسلام آباد (نیوز ڈیسک) تحریک انصاف نے انتخابی دھاندلی کی تحقیقات کرنے والے جوڈیشل کمیشن کے روبرو 9 ویڈیوز بھی جمع کرائی ہیں ۔ جن میں جعلی ووٹ ڈالتے ہوئے دکھایا گیا ہے ۔ منگل کے روز جوڈیشل کمیشن کی کارروائی کے دوران تحریک انصاف کے وکیل عبدالحفیظ پیرزادہ نے کمیشن کو بتایا کہ جہاں تحریک انصاف نے مختلف دستاویزات جمع کرائی ہیں وہاں 9 ویڈیوز بھی جمع کرائی گئی ہیں اس کے علاوہ اخباری تراشے اور دیگر مواد بھی بطور شہادت جمع کرایا گیا ہے کیونکہ اخباری خبروں کو بطور شہادت پیش کیا جا سکتا ہے ۔