کراچی (نیوزڈیسک) سابق وزیر داخلہ سندھ ذوالفقار مرزا نے کہا ہے کہ قانونی مشیر کہیں گے تو گرفتاری دے دوں گا ، ایس ایس پی حیدر آباد عرفان بلوچ کے سامنے پیش ہونے کو تیار ہوں۔میڈیا سے خصوصی گفتگو کے دوران ذوالفقار مرزا کا کہنا تھا کہ میرے خلاف ایک مقدمہ نہیں کئی مقدمات درج کیے گئے ہیں۔ خاندان کے لوگ جب کہیں گے قانون کے سامنے سر جھکا دوں گا۔ میرے قانونی مشیر جو فیصلہ کریں گے سر تسلیم خم کروں گا۔ انھوں نے کہا کہ ڈی آئی جی حیدرآباد ایماندار آدمی ہیں ، مجھے ان پر فخر ہے۔ ایس ایس پی حیدرآباد عرفان بلوچ کے سامنے پیش ہونے کو تیار ہوں۔ قانونی مشیر کہیں گے تو گرفتاری دے دوں گا۔انھوں نے کہا کہ میرے والد ریٹائرڈ جج ہیں , بیگم سپیکر رہ چکی ہیں جبکہ بیٹا دبئی میں بار ایٹ لا ہے اور بیٹی حالیہ دنوں میں قانون کی ڈگری لے کر آئی ہے سب سر جوڑ کر بیٹھے ہیں جو بھی فیصلہ کریں گے میں تسلیم کروں گا.