اسلام آباد(نیوز ڈیسک)خادمِ اعلیٰ کے پڑھا لکھا پنجاب خواب کی تعبیر کیلئے بچی نے پیدا ہونے سے بھی 7سال قبل سکول داخلہ لیتے ہوئے 3سال کی میں عمر میں 6 جماعتیں پاس کرنے کا انوکھاعالمی ریکارڈ قائم کر دیا،نواحی علاقہ نور پور کی رہائشی فرخندہ نصیر دختر نصیر احمد کے حال ہی میں مقامی گورنمنٹ گرلز ہائی سکول کالونی ایریاسے جاری ہونے والے سکول چھوڑنے کے سرٹیفکیٹ پر درج تاریخ پیدائش ،تاریخ داخلہ و خارجہ کے مطابق طالبہ مذکور 07,03,1997کو پیدا ہوئیںجبکہ سکول میں اِس سے سات سال قبل ہی 05,06,1990کو داخل ہوگئی تھیں اور تین سال کی عمر میں 06جماعتیں پاس کرکے 18,12,1993کو سکول چھوڑ دیاتھا،مگر سرٹیفکیٹ حال ہی میں کھلنے والی محکمہ ہیلتھ اور ایجوکیشن ڈیپارٹمنٹ کی درجہ چہارم کی پوسٹ پر تعیناتی کیلئے اب حاصل کیا گیا ہے اوراِس پر سکول ہیڈ مسٹرس اور انچارچ داخل وخارج کے اصلی مہر دستخط بھی واضع طور پرموجود ہیں ۔