اسلام آباد(نیوز ڈیسک)لاہور میں نامعلوم افراد نے خود کوپولیس اہلکار ظاہر کرکے تلاشی کے بہانے چینی باشندے کو لوٹ لیا۔ تھانہ ریس کورس کی حدود میں ڈیوس روڈ پر ٹومی نامی چینی باشندہ موبائل فرنچائز سے ایزی لوڈ کروانے کے بعد باہر نکلا جہاں کار میں سوار نامعلوم افراد نے خود کو پولیس اہلکار ظاہر کرکے تلاشی شروع کردی۔ اسی دوران ملزمان نے چینی باشندے کے پرس سے 4 ہزار ڈالر اور موبائل فون لوٹ لیا اور فرار ہوگئے۔ پولیس نے جائے واردات سے شواہد حاصل کرکے تفتیش شروع کردی۔ پولیس کا کہنا ہے کہ قریبی عمارت سے حاصل ہونے والی کلوز سرکٹ فوٹیج کی مدد سے ملزمان کو ٹریس کیا جارہا ہے۔