لاہور(نیوزڈیسک)صوبائی دارالحکومت کے علاقہ آر اے بازار میں سلنڈر کی ری فلنگ کے دوران دھماکے سے دکاندار سمیت پانچ افراد زخمی ہو گئے ،دھماکہ اس قدر شدید تھاکہ اس کی آواز دور دور تک سنی گئی جس سے علاقے بھر میں خوف و ہراس پھیل گیا ۔ بتایا گیا ہے کہ جنوبی چھاﺅنی کے علاقہ آر اے بازار میں ایل پی جی کی دکان میں سلنڈر میں گیس بھری جاری تھی کہ اچانک زور دار دھماکہ ہو گیا جس سے دکاندار وکیل خان ،تیس سالہ مقصود،پچیس سالہ افضل ،چھبیس سالہ یونس اور چھیالیس سالہ کبیر زخمی ہو گئے جنہیں فوری طور پر میو ہسپتال منتقل کر دیا گیا ۔