قصور( نیوز ڈیسک)چونیاں میں پانی کے تنازعے پر فائرنگ سے خاتون سمیت 2 افراد جاں بحق اور تین زخمی ہوگئے۔ نواحی گاؤں کھوکھر اشرف میں پانی کے تنازعے پر تلخی کے بعد نذیر نے ساتھیوں کے ہمراہ اپنے چچا منظور کے گھر میں گھس کر فائرنگ کر دی جس سے یامین ، اس کی بہن طاہرہ بی بی موقع پر جاں بحق جبکہ تین افراد شدید زخمی ہوگئے۔ زخمیوں راشد ، اکرم اور ان کے والد اسلم کو تشویشناک حالت میں لاہور ہسپتال منتقل کر دیا گیا۔