کوئٹہ(نیوز ڈیسک)کوئٹہ بگٹی ہاوس میں جمہوری وطن پارٹی کے سربراہ نوابزادہ طلال اکبر بگٹی کی وفات پر فاتحہ خوانی کی جارہی ہے۔ کوئٹہ کے فاطمہ جناح روڈ پر واقع بگٹی ہاوس میں نوابزاہ شاہ زین بگٹی اپنے والد کی فاتحہ لے رہے ہیں۔ سیاسی، سماجی، قبائلی عمائدین پارٹی کارکنوں، اور بگٹی قبیلہ سے تعلق رکھنے والے افراد کی بڑی تعداد فاتحہ خوانی کیلئے ا رہی ہے جبکہ اس موقع پر اطراف کی گلیوں میں سیکیورٹی کے سخت انتظامات کئے گئے ہیں۔ نوابزادہ طلال اکبر بگٹی پیر کے روز معمولی علالت کے بعد کوئٹہ کے کمبائن ملٹری ہسپتال میں انتقال کرگئے تھے گزشتہ روز ان کی میت کو ہیلی کاپٹر کے زریعہ ڈیرہ بگٹی منتقل کیا گیا جہاں رات گئے ان کے ا?بائی قبرستان میں سپرد خاک کردیا گیا۔