اسلام ا باد ( نیوز ڈیسک) اسلام ا باد انتظامیہ کے پاس دکانیں بند کروانے کا سرکاری نوٹیفکیشن نہیں ، درخواست گزار کے موقف پر عدالت نے فیصلہ سنا دیا،اسلام آباد ہائیکورٹ نے کاروباری مراکز رات آٹھ بجے بند کرانے کے حکومتی احکامات کیخلاف حکم امتناع کی درخواست پر ڈپٹی کمشنر سے جواب طلب کر لیا ہے۔ اسلام اباد ہائی کورٹ کے جسٹس شوکت عزیز صدیقی نے اسلام اباد میں کاروباری مراکز رات اٹھ بجے بند کرانے کے حکومتی فیصلے کے خلاف درخواست کی سماعت کی۔ درخواست گزار نے موقف اختیار کیا کہ اسلام اباد انتظامیہ کے پاس دکانیں بند کرانے کا کوئی سرکاری نوٹی فیکیشن نہیں صرف زبانی احکامات پر انتظامیہ دکانیں رات اٹھ بجے بند نہیں کراسکتی۔ درخواست گزار کا کہنا ہے کہ اسلام اباد انتظامیہ کا یہ اقدام زبردستی کسی کی پراپرٹی میں گھسنے کے مترادف اور مجرمانہ فعل ہے ، اس لیے دکانیں رات اٹھ بجے بند کرانے کا حکومتی فیصلہ کالعدم قرار دے کر حکم امتناع جاری کیا جائے۔ عدالت نے دلائل مکمل ہونے پر فیصلہ سناتے ہوئے ڈپٹی کمشنر اسلام اباد کو طلب کر لیا۔

مزید پڑھئے:خواتین کی وہ ایجادات جنہوں نے دنیا بدل دی