گھوٹکی ( نیوز ڈیسک) گھوٹکی میں مقابلے کے دوران ڈاکوؤں کا پولیس کی بکتر بند گاڑی پر راکٹ لانچر حملہ سے ایس ایچ او جاں بحق اور دو اہلکار زخمی ہو گئے۔پولیس نے کچے کے علاقے میں بدنام زمانہ ڈاکوؤں سلطان عرف سلطو اور چھوٹو بکھرانی کے خلاف اپریشن کیا۔ اس دوران مقابلہ شروع ہو گیا۔ ڈاکوؤں نے پولیس پارٹی پر فائرنگ شروع کر دی اور پولیس کی بکتر بند پر راکٹ لانچر بھی برسائے۔ جس سے ایس ایچ او جروار محمد حسن کولاچی موقع پر ہی جاں بحق ہو گئے۔ حملے میں دو اہلکار زخمی بھی ہوئے جنہیں اسپتال منتقل کر دیا گیا ہے۔ واقعے کے بعد پولیس کی بھاری نفری نے علاقے کو گھیرے میں لے لیا ہے۔