اسلام آباد (نیوز ڈیسک) بے نظیر بھٹو انٹرنیشنل ائیرپورٹ سے جدہ جانے والے دو مسافروں کو 1 کلو ہیروئن سمیت گرفتار کر لیا گیا ہے‘ دونوں ملزمان کو تفتیش کے لئے اے این ایف کے حوالے کر دیا گیا۔ میڈیا رپورٹ کے مطابق منگل کے روز اسلام آباد کے ائیرپورٹ سے جدہ جانے والے دو مسافروں کو ایک کلو ہیروئن سمیت گرفتار کر لیا گیا ہے جبکہ ملزمان میں ایک مرد عمران اور ایک خاتون عظمیٰ شامل ہے۔ اے ایس ایف حکام کے مطابق ملزمان نے ہیروئن ٹوتھ پیسٹ کی ٹیوبز میں چھپائی ہوئی تھی جس کو تلاش کے بعد برآمد کر لیا گیا اور دونوں ملزمان کو گرفتاری کے بعد اے این ایف کے حوالے کر دیا گیا ہے۔ اے این ایف حکام کے مطابق دونوں ملزمان سے ابتدائی تفتیش جاری اور اہم انکشافات کی توقع ہے۔

مزید پڑھئے:عرب دنیا میں شاہی شادی، دولہا دلہن تو ایک طرف مہمانوں پر بھی ہیروں کی بارش