پشاور(نیوز ڈیسک)عوامی نیشنل پارٹی کے ترجمان زاہد خان نے کہا ہے کہ پشاور میں قیامت برپا ہے اور حکمران جماعت کے سربراہ اور وزیراعلیٰ کہیں دکھائی نہیں دے رہے۔ہمارے تمام کارکن امدادی کارروائیوں میں مصروف ہیں حالانکہ اپنے عوام کی مدد کرنا حکومت کا کام ہوتا ہے۔ کیا یہ نیا پاکستان ہے، کیا عمران خان ایسا نیا پاکستان بنانا چاہتے ہیں۔ انہوں نے کہا کہ ہمارے صوبے میں حکومت نام کی کوئی چیز نہیں۔ وزیراعلیٰ خیبرپختونخوا بے اختیار ہیں۔ اصل اختیارات بنی گالہ میں بیٹھے عمران خان کے پاس ہیں لیکن انہیں دھاندلی کا رونا رونے سے فرصت نہیں۔ صوبے میں رشوت عام ہے، عوام کا کوئی پرسان حال نہیں۔انہوں نے کہا کہ خیبرپختونخوا کی سوئی ہوئی حکومت کو جگانے پروہ میڈیا کا شکریہ ادا کرتے ہیں۔