اسلام آباد(نیوز ڈیسک)ڈیرہ غازی خان میں گھریلو جھگڑے پر نانی نے اپنے 4 سالہ نواسے رجب علی پر تیزاب پھینک دیا ،تشویشناک ہسپتال میں منتقل کر دیا گیا ہے۔میڈیا رپورٹس کے مطابق پیر کے روز ڈیرہ غازی خان کے نواحی علاقے (پ ر)میں صبح ناشتے کے وقت معمولی تکرار پر جھگڑاہوا جس پر نانی نے طیش میں آ کر گھر میں موجود تیزاب اٹھا کر اپنے4 سالہ نواسے رجب علی پر پھینک دیا جسے فوری طور پر تشویشناک حالت میں قریبی ہسپتال منتقل کردیا ہے ،ہسپتال انتظامیہ کے مطابق بچے کا20 فیصد جسم کا حصہ متاثر ہوا ہے تاہم بچے کی حالت خطرے سے باہر ہے۔پولیس نے بچے کے والدین کی مدعیت میں بچے کی نانی اور چچا عمران کے خلاف مقدمہ درج کر دیا اور ملزمان کی تلاش شروع کردی تاہم آخری اطلاع ملنے تک کسی ملزم کی گرفتاری عمل میں نہیں لائی جا سکی۔