اسلام آباد(نیوزڈیسک) لاہور ہائیکورٹ نے2013ءکے انتخابات میں ہونے والی مبینہ دھاندلی کی تحقیقات کے لیے قائم جوڈیشل کمیشن کے قیام کےخلاف تحریک انصاف کے اعجاز چوہدری کی فریق بننے کی درخواست سماعت کے لیے منظور کرلی۔ لاہور ہائیکورٹ میں کیس کی سماعت شروع ہوئی تو عدالت کے روبرو درخواست گزار تحریک انصاف کے اعجاز چوہدری کی جانب سے موقف اختیار کیا کہ جوڈیشل کمیشن کا قیام غیرقانونی نہیں ہے ، اس حوالے سے آرڈنینس جاری کیا گیا ہے ، جوڈیشل کمیشن کے قیام کا مقصد عام انتخابات میں دھاندلی کی از سرنو تحقیقات کرنا ہے لہذا عدالت کیس میں فریق بننے کی اجازت دے۔ عدالت نے درخواست پر وفاقی حکومت کو نوٹس جاری کرتے ہوئے 29 اپریل کو جواب طلب کرلیا۔
مزید پڑھئے:امریکا میں ٹی وی میزبان نے مشعل اوباما کو بندریا سے تشبیہ دے دیا
