راولپنڈ (نیوزڈیسک) پشاور،چارسدہ اور دیگر علاقوں میں تیز آندھی اور شدید بارشوں کے باعث بڑے پیمانے پر جانی و مالی نقصان کے بعد پاک فوج کی امدادی ٹیمیں متاثرہ علاقوں میں پہنچ گئیں اور امداد کارروائیاں شروع کر دی گئیں۔اتوار کو پاک فوج کے تعلقات عامہ آئی ایس پی آر کے ڈائریکٹر جنرل میجر جنرل عاصم باجوہ نے اپنے ایک بیان میں کہا کہ پاک فوج کی امدادی ٹیمیں پشاور، چارسدہ اور دیگر متاثرہ علاقوں میں بھجوا دی گئی ہیں جو شہری انتظامیہ کی مدد کریں گی، سی ایم ایچ میں بھی الرٹ کر دیا گیا ہے اور تمام ڈاکٹرز موجود ہیں۔پاک فوج کی امدادی ٹیمیں آلات سے لیس ہیں، ریسکیو ٹیموں کے ہمراہ سراغ رساں کتے بھی بھجوائے گئے ہیں