کراچی (نیوز ڈیسک) ایف بی ایریا بلاک کے ڈی اے سکول میں اسسٹنٹ پولنگ ایجنٹ کو دھمکیاں دینے پر رینجرز نے 3 افراد کو حراست میں لے لیا ہے۔ تفصیلات کے مطابق ایف بی ایریا بلاک کے ڈی اے سکول میں تعینات اسسٹنٹ پولنگ ایجنٹ محمد زاہد کو پولنگ سٹیشن کے باہر کھڑے 3 معلوم افراد نے سنگین نتائج کی دھمکیاں دیں جس پر محمد زاہد نے رینجرز حکام کو آگاہ کیا۔ رینجرز نے اسسٹنٹ پولنگ ایجنٹ سے تحریری درخواست لینے کے بعد تینوں افراد کو حراست میں لے کر نامعلوم مقام پر منتقل کر دیا ہے۔ ذرائع کے مطابق رینجرز کی جانب سے ان افراد کی گرفتاری ظاہر نہیں کی گئی ہے تاہم کسی کو سنگین نتائج کی دھمکیاں دینے اور اس طرح کے دوسرے معاملات پر قانونی چارہ جوئی کرنے کیلئے رینجرز کے پاس مکمل اختیارات موجود ہیں۔