پشاور(نیوز ڈیسک) خیبرایجنسی میں سیکیورٹی فورسز نے کروڑوں روپے مالیت کی منشیات نذر آتش کر دی۔ منشیات دہشتگردوں کے خلاف مختلف آپریشنز کے دوران پکڑی گئی تھی۔ پاک فوج نہ صرف دہشتگردوں سے نبرد آزما ہے بلکہ معاشرے کی تباہی کاسبب بننے والی منشیات کے خاتمے کیلئے بھی کوشاں ہے۔ خیبرایجنسی میں آپریشن خیبر ون اور ٹو کے دوران کروڑوں روپے مالیت کی منشیات بھی برآمد کی گئی۔ پکڑی گئی منشیات میں 72ہزار 716 کلوگرام چرس، 117 کلوگرام ہیروئن، 389 کلو گرام افیون، 950 بوتل شراب اور 7 کلو گرام منشیات میں استعمال ہونے والا کیمیکل بھی شامل ہے۔ سیکیورٹی فورسز نے کروڑوں روپے مالیت کی منشیات کو نذر آتش کر دیا