لاہور(نیوزڈیسک ) پاکستان تحریک انصاف کے چیئرمین عمران خان آج ( جمعرات ) لاہور پہنچیں گے۔ شیڈول کے مطابق عمران خان دوپہر 2بجے لاہور پہنچےں گے اور صدر بازارسے ہوتے ہوئے سرور روڈ ، گرجا چوک ، پی اے ایف سے آراے بازار جائیں گے ،عمران خان ندیم چوک ڈیفنس موڑ ،والٹن اور قینچی سے ہوتے ہوئے فیروزپورروڈ کے ذریعے ڈیفنس روڈ بھٹہ چوک پہنچےں گے۔ عمران خان 23اپریل کو انتخابی مہم کا اختتام شام 6بجے لالک چوک میں کریں گے۔پی ٹی آئی لاہور کی طرف سے تمام خواتین کو بھی لالک چوک پہنچنے کی ہدایت کی گئی ہے۔پی ٹی آئی لاہور کی انتظامیہ نے عمران خان کے دورہ لاہور کے لئے سکیورٹی طلب کر لی ہے۔ ضلعی انتظامیہ اور آئی جی پنجاب کو ارسال کیے گئے خط میں کہا گیا ہے کہ عمران خان آج لاہور کے 12مقامات کا دورہ کریں گے۔ اس لیے انہیں فول پروف سکیورٹی فراہم کی جائے