اسلام آباد ( نیوزڈیسک)نجی ایئر لائن کا طیارہ حادثے سے بال بال بچ گیا۔ طیارے میں فنی خرابی کے باعث بینظیر انٹرنیشنل ایئرپورٹ اسلام آباد پر ہنگامی لینڈنگ۔ عملہ اور مسافر محفوظ رہے۔ ایئر پورٹ ذرائع کے مطابق نجی ایئر لائن کی پرواز اسلام آباد سے کراچی کیلئے روانہ ہوئی۔ اڑان بھرنے کے چند لمحے بعد طیارے کے انجن میں آگ لگ گئی جس کے بعد پائلٹ نے طیارے کو ہنگامی طور پر واپس بینظیر ایئرپورٹ پر اتار لیا۔ ایمرجنسی لینڈنگ کے دوران طیارے کا عملہ اور اس میں سوار تمام مسافر محفوظ رہے۔ سول ایوی ایشن حکام کا کہنا ہے کہ امدادی کارروائیاں مکمل ہونے کے بعد رن وے کھول دیا جائے گا۔

مزید پڑھئے:پیرو: آتش فشاں نے ایک بار پھر راکھ اور دھواں آ گلنا شروع کر دیا