لاہور (نیوزڈیسک ) مفکر پاکستان ، عظیم فلسفی شاعر حکیم الامت ڈاکٹر علامہ محمد اقبال کا 77 واں یوم وفات آج (منگل )کو انتہائی عقیدت و احترام سے منایا جائے گا۔اس دن کی مناسبت سے مرکزیہ مجلس اقبال ، تحریک پاکستان ورکرز ٹرسٹ ،، نظریہ پاکستان فاونڈیشن اور دیگر تنظیموں کے زیر اہتمام قرآن خوانی اور دیگر تقریبات کا انعقاد کیا جائے گا جن میں علامہ اقبال کی تحریک پاکستان اور دو قومی نظریہ سمیت ملک و قوم کےلئے خدمات پر تفصیلی روشنی ڈالی جائے گی۔آج ( منگل ) شاعر مشرق علامہ محمد اقبال رحمتہ اللہ کے مزار پر گارڈز کی تبدیلی کی تقریب بھی منعقد ہو گی۔ اس دن کی مناسبت سے ٹی وی چینلز خصوصی پروگرامات نشر کریں گے جبکہ اخبارات بھی خصوصی ایڈیشنز شائع کریں گے