اسلام آباد(نیوزڈیسک )امیر جماعت اسلامی نے کہاہے کہ ہم این اے 246 میں دوستانہ میچ کھیلنا چاہتے ہیں، دوستانہ میچ میں ہر شہری کو موقع ملے گا۔لاہور میں جماعت اسلامی کے مرکز منصورہ میں میڈیا سے گفتگو میں امیر جماعت اسلامی کا کہنا تھا کہ کرپٹ سیاست اور ملک ساتھ ساتھ نہیں چل سکتا، قوم حقیقی تبدیلی چاہتی ہے تو قیادت کو تبدیل کرے، اور قبضہ مافیا کو اپنا نمائندہ نہ بنائیں۔سراج الحق کا کہنا تھا کہ ترقی یافتہ ممالک سے سبق سیکھنا چاہیے، ترقی یافتہ ممالک میں وی وی آئی پی سسٹم نہیں، ترقی یافتہ ممالک میں عوام اور حکمران برابر ہیں، انہوں نے کہا کہ این اے 246 میں ایک دوستانہ میچ کھیلنا چاہتے ہیں، دوستانہ میچ میں ہر شہری کو موقع ملے گا، الیکشن میں بائیو میٹرک سسٹم کی تنصیب چاہتے ہیں، حکومت ملک بھر کی سموں کی تصدیق کرسکتی ہے، تو ایک حلقے میں بائیو میٹرک کی تنصیب کیوں ممکن نہیں، ہم شفاف انتخابات چاہتے ہیں، نہ کہ سلیکشن چاہتے ہیں۔