لاہور( نیوز ڈیسک)صوبائی دارلحکومت میں قانون نافذ کرنے والے اداروں نے کارروائی کر کے خاتون سمیت 5دہشت گرد گرفتارکر کے اسلحہ بر آمد کر لیا۔ تفصیلات کے مطابق لاہور کے علاقہ دروغہ والا سے حساس اداروں نے خاتون سمیت 5دہشت گردوں کو گرفتار کر لیا۔لاہور کے علاقہ دروغہ والا کے قریب سراج پورہ میں حساس اداروں نے ایک گھر پر چھاپہ مارا، چھاپے کے دوران کالعدم تنظیم سے تعلق رکھنے والے پانچ دہشت گردوں کو گرفتار کیا گیا۔خبررساں ایجنسی ’ گرفتار ہونیو الوں میں ایک خاتون دہشت گردبھی شامل ہے، دہشت گردوں کے قبضہ سے اسلحہ اور دستی بم برآمد ہوئے ہیں، کارروائی کے موقع پرمذکورہ دہشت گرد کسی واردات کی تیاری میں مصروف تھے۔حساس ادارے دہشت گردوں کو نامعلوم مقام پر منتقل کرکے مزید تفتیش کر رہے ہیں۔

مزید پڑھئے:سنی لیون کے ”حسن “کا جادو پھر چل گیا