اسلام آباد(نیوزڈیسک) پنجاب کے وزیر تعلیم رانا مشہود کا کہنا ہے کہ آپریشن سے پہلے کراچی جانے سے ڈرنے والے عمران خان اب وہاں جلسے کررہے ہیں، مسلم لیگ ن چودہ اگست کو کراچی میں سیاسی سرگرمیوں کا باقاعدہ آغاز کرے گی اور شہر کی سب سے بڑی جماعت بن کرابھرے گی۔شہرقائد میں سیاسی گہماگہمی عروج پر پہنچی تو ن لیگ بھی میدان میں کود پڑی، پنجاب کے وزیر تعلیم نے نہ صرف کراچی میں سرگرمیوں کے آغاز کا اعلان کیا، بلکہ مستقبل قریب میں کراچی کی سب سے بڑی سیاسی قوت بننے کا دعوی بھی کر ڈالا۔ موقع غنیمت جان کر رانا مشہود عمران خان پر تنقیدکرنانہ بھولے اورکراچی آپریشن کاکریڈٹ نوازشریف کے کھاتے میں ڈال دیا۔