اسلام آباد (نیوز ڈیسک) پاکستان پیپلز پارٹی کے رہنماءاورسابق وزیر اطلاعات و نشریات قمرالزمان کائرہ نے کہا ہے کہ عمران خان نے ثبوت نہ دیئے تو پیپلز پارٹی شواہد سامنے لائے گی۔  تفصیلات کے مطابق قمرالزمان کائرہ کا کہنا تھا کہ جوڈیشل کمیشن میں حقیقت سامنے آنے والی ہے اور جلد ہی دودھ کا دودھ اور پانی کا پانی ہو جائے گا۔ انہوں نے کہا کہ عمران خان کے پاس ثبوت نہ ہوئے تو پیپلز پارٹی شواہد سامنے لائے گی اور جوڈیشل کمیشن کو تمام چیزوں سے آگاہ کرے گی۔ یمن اور سعودی عرب کے معاملے پر بات چیت کرتے ہوئے قمرالزمان کائرہ نے کہا کہ حکمران یمن کے حالات سے فائدہ اٹھا کر کاروبار چلانا چاہتے ہیں۔