اسلام آباد (نیوز ڈیسک)وزیر اعظم نواز شریف نے نجی میڈیکل کالج کی وائس پرنسپل اور امریکی شہری ڈاکٹر ڈیبرا لوبو پر قاتلانہ حملے کی رپورٹ طلب کرتے ہوئے ملزمان کی گرفتاری کا حکم دیا ہے۔وزی اعظم ہاؤس سے جاری بیان میں وزیر اعظم نواز شریف نے نجی میڈیکل کالج کی وائس پرنسپل ڈاکٹر ڈیبرا لوبو پر قاتلانہ حملے کی شدید مذمت کرتے ہوئے متعلقہ حکام سے واقعے کی رپورٹ طلب کرلی۔ انہوں نے امریکی شہری پر حملے میں ملوث ملزمان کی گرفتاری کا حکم دیتے ہوئے حملے میں شدید زخمی ہونے والی ڈاکٹر ڈیبرا کو بہترین سہولیات کی فراہمی کی بھی ہدایت کی ہیں۔واضح رہے کہ نجی میڈیکل کالج کی وائس پرنسپل ڈاکٹر ڈیبرا لوبو شہید ملت روڈ پر نامعلوم موٹر سائیکل سوار ملزمان کی جانب سے ان کی گاڑی پر فائرنگ کے نتیجے میں شدید زخمی ہوگئی تھیں۔