کراچی ( نیوز ڈیسک)کراچی ناردرن بائی پاس پر پولیس مقابلے میں کالعدم تنظیم کے 2 دہشتگرد ہلاک ہوگئے ، پیرا باد فرنٹیر کالونی میں سرچ ا پریشن کے دوران 5 ملزموں کو گرفتار کر کے کلاشنکوف برا مد کر لی گئی۔
کراچی کے علاقے ناردرن بائی پاس رئیس گوٹھ میں پولیس کے ساتھ فائرنگ کے تبادلے میں 2 دہشتگرد مارے گئے۔ پولیس کے مطابق ہلاک دہشتگردوں میں کالعدم تنظیم کا کمانڈر بھی شامل ہے۔ ان کے قبضے سے دھماکا خیز مواد اور اسلحہ بھی برا مد کیا گیا ہے۔ پولیس کا کہنا ہے ہلاک دہشتگرد پولیس پر حملوں سمیت دیگر تخریب کاری کی وارداتوں میں بھی ملوث ہیں۔ ایک دوسری کارروائی میں پولیس نے پیرا باد فرنٹیر کالونی کے علاقے میں سرچ ا پریشن کیا جس کے دوران داخلی اور خارجی راستوں کو بند کر کے تلاشی لی گئی۔ ایس پی اورنگی ٹاؤن کے مطابق سرچ ا پریشن کے دوران 4 غیر ملکیوں سمیت 5 ملزموں کو گرفتار کیا گیا ہے ، ان سے ایک کلاشنکوف اور پستول برا مد ہوئی ہے۔