اسلام آباد(سپیشل رپورٹ)متحدہ قومی موومنٹ قومی اسمبلی کے 20اپریل سے شروع ہونے والے اجلاس میں تحریک انصاف کے ارکان اسمبلی کی رکنیت کو40روزسے زیادہ ایوان میں غیرحاضررہنے پرمعطل کرنے کی تحریک ایوان میں جمع کرائے گی اورےہ تحریک آئین کے آرٹیکل 64کے تحت جمع کرائی جائے گی۔قومی اسمبلی میں حکمران جماعت مسلم لیگ(ن) ایم کیوایم کی بجائے تحریک انصاف کاساتھ دے گی جبکہ اس سے قبل جب تحریک انصاف نے دھرنے شروع کئے تھے توایم کیوایم نے تحریک انصاف کے دھرنے کی حمایت کی تھی اورایم کیوایم کے رہنماﺅں نے تحریک انصاف کے دھرنے کے شرکاءکوناشتہ اورکھانابھی فراہم کیاتھالیکن آج صورتحال مختلف ہے کہ تحریک انصاف کی حمایت مسلم لیگ(ن) کرے گی اوراس پیش کی جانے والی تحریک میں ایم کیوایم کاساتھ نہیں دیاجائے جبکہ پیپلزپارٹی بھی پی ٹی آئی کے استعفے منظورنہ کرنے کے حق میں ہے ۔
