کراچی ( نیوز ڈیسک ) متحدہ قومی موومنٹ کے رہنماءحیدر عباس رضوی نے کہا ہے کہ ڈاکٹر عمران فاروق کا قتل برطانیہ میں ہوا تھا اس لیے ان کے قتل کا مقدمہ بھی برطانیہ میں ہی چلنا چاہیئے۔نجی ٹی وی چینل پر انٹرویو دیتے ہوئے حیدر عباس رضوی کا کہنا تھا کہ ایم کیو ایم انصاف کے تمام تقاضے پورے کرنا چاہتی ہے اس لیے ان کا مطالبہ ہے کہ عمران فاروق کے قتل کا کیس برطانوی عدالت میں چلایا جائے۔انہوں نے واضح کیا کہ وہ اس قتل کیس کے علاوہ منی لانڈرنگ کیس میں بھی برطانوی ایجنسیوں سے رابطہ میں ہیں اور ان کے ساتھ مکمل تعاون بھی کر رہے ہیں۔ایم کیو ایم کے رہنماءکا کہنا تھا کہ برطانوی ایجنسیوں کو کوئی بھی شواہد درکار ہوں گے تو ایم کیو ایم خود انہیں پیش کرے گی