اسلام آباد(نیوز ڈیسک)نادرانے پی ٹی آئی کو صاف جواب دے دیا ہے کہ وہ تحریک انصاف کو ووٹرز کے شناختی کارڈز کی تصدیق شدہ رپورٹ نہیں دے سکتا۔تفصیلات کے مطابق پی ٹی آئی کے رہنما جہانگیر ترین نے ووٹرز کے شناختی کارڈرزکی تصدیق شدہ رپورٹ حاصل کرنے کیلئے نادراکو خط لکھا تھا تاکہ دھاندلی تحقیقات میں اس رپورٹ کو جو ڈیشل کمیشن میں پیش کیا جا سکے ۔لیکن نادرا نے پی ٹی آئی کو خط کے جواب میں کہا ہے کہ وہ ووٹرز کی تصدیق شدہ رپورٹ جاری نہیں کر سکتااس کا اختیار صرف الیکشن ٹریبونل کے پاس ہے انہیں یہ اختیار عارضی طور پر دیا گیا تھااب اگر تحریک انصاف کو ووٹرز کی تصدیق شدہ رپورٹ چاہیے تو وہ الیکشن ٹریبونل سے رابطہ کرے۔