کراچی (نیوز ڈیسک)خیبرپختونخوا کے اتحادی تحریک انصاف اور جماعت اسلامی کراچی کے حلقے این اے 246 کے ضمنی انتخاب میں متحد نہ ہوسکے۔جماعت اسلامی اورپی ٹی ائی کے سیٹ ایڈجسٹمنٹ کے لیے رابطے سودمند ثابت نہیں ہوسکے جماعت اسلامی نے اپنا امیدوار دستبردار کروانے سے انکار کردیا ہے۔ پی ٹی ا ئی کے ذرائع کے مطابق پاکستان تحریک انصاف کے رہنماؤں نے جماعت اسلامی کے امیرسراج الحق اوردیگر سے امیدوار راشد نسیم کوپی ٹی ا ئی کے امیدوارعمران اسماعیل کے حق میں دستبردار کرنے کی درخواست کی تھی تاہم یہ رابطے کامیاب نہیں ہوسکے۔