اسلام آباد(نیوز ڈیسک) وزیراعلیٰ ہاوس پشاور میں اسٹریٹ چلڈرن کی تقریب میں بچوں نے ریحام خان کو گلدستے پیش کرکے ان کا استقبال کیا۔اسٹریٹ چلڈرن پروگرام کی تقریب میں عمران خان کی اہلیہ ریحام خان نے استقبال کرنے والے بچوں کو پیار کیا۔اس موقع پر ریحام خان کوخیبر پختونخوامیں اسٹریٹ چلڈرن کی ایمبسیڈر نامزد کردیا گیا۔ اس تقریب میں بچوں کے بہترمستقبل سے وابستہ ٹرسٹ اورمحکمہ سوشل ویلفئیر کے مابین مفاہمتی یاداشت پر دستخط ہوئے۔پرواگرام کے تحت صوبائی حکومت بچوں کے مستقبل سےوابستہ ٹرسٹ بلڈنگ زمین اور انفراسٹرکچر کی سہولیات فراہم کرے گی۔