اسلام آباد(نیوزڈیسک) صدر مملکت ممنون حسین نے کہا کہ ، اقتصادی راہداری کے ذریعے پاکستان اور چین ایک نئی دنیا تعمیر کر رہے ہیں۔ اگلے چند برسوں میں ملک سیاحوں کے لیے جنت ہوگا۔ کراچی میں تاجروںسے ملاقات میں صدر مملکت ممنون حسین نے کہا کہ اقتصادی راہداری انقلاب کا پیش خیمہ ثابت ہو گی۔ معاشی استحکام اور بے روزگاری کے خاتمے کے لیے حکومت قرضے فراہم کر رہی ہے ضروری ہے کہ حکومت کو کام کرنے کا موقع دیا جائے۔ صدر مملکت نے کہا کہ حکومت اور فوج نے مل کر دہشت گردی اور بدامنی کے خاتمے کا فیصلہ کیا ہے جس کے مثبت نتائج سامنے آنے لگے ہیں ملک دشمن عناصر کو کسی صورت کامیاب نہیں ہونے دیں گے۔