کراچی (نیوزڈیسک)فہیم فاروق قتل کیس میں نائن زیرو سے گرفتار ملزم عبید عرف کے ٹو کو گواہ نے شناخت کرلیا۔جوڈیشل مجسٹریٹ ایسٹ کی عدالت میں ملزم عبید عرف کے ٹو کی شناخت پریڈ ہوئی جس میں ملزم کو 2005 میں فہیم فاروق کے قتل میں شناخت پریڈ کے لئے پیش کیا گیا، شناخت پریڈ کے دوران قتل کے عینی شاہد نے ملزم کی شناخت کرتے ہوئے اپنے بیان میں عبید کے ٹو کے قتل کی واردات میں ملوث ہونے کی نشاندہی کردی۔واضح رہے ملزم عبید عرف کے ٹو کو اے ایس آئی شہباز اور کامل مرتضیٰ قتل کیس میں پہلے ہی شناخت کیا جاچکا ہے۔