اسلام آباد(نیوزڈیسک) وفاقی وزیر اطلاعات پرویز رشید نے کہا ہے کہ عمران خان کا جعلی اسمبلی میں خطاب کا اعلان تھوک چاٹنے کے مترادف ہے، پارلیمنٹ کی تذلیل خان صاحب کی دماغی حالت کی عکاس ہے۔اسلام آباد میں میڈیا سے گفتگو کرتے ہوئے مسلم لیگ ن کے رہنماء اور وفاقی وزیر اطلاعات سینیٹر پرویز رشید نے کہا کہ عمران خان کے جوڈیشل کمیشن کے مطالبے کو مان لیا، اس کے بعد بھی پارلیمنٹ کی تذلیل خان صاحب کی دماغی حالت کی عکاس ہے، جعلی اسمبلی میں خطاب کا اعلان تھوک چاٹنے کے مترادف ہے۔وہ مزید بولے کہ غیر جمہوری طرز سیاست پی ٹی آئی کا وطیرہ بن چکا ہے، عمران خان کمیشن پر اثر انداز ہونا چاہتے ہیں، قوم ان کے بے بنیاد الزامات سے تنگ آچکی ہے، خان صاحب الزامات کی سیاست سے باہر نہیں آرہے۔