اسلام آباد: (نیوزڈیسک) مشیر خارجہ سرتاج عزیز نے کہا ترکی اور ایرانی صدور کی جانب سے مسئلہ یمن کے سیاسی حل پر اتفاق رائے ہونے پر پاکستان خیر مقدم کرتا ہے اور ہم یمن مسئلے کے پرامن حل کے خواہاں ہیں۔ مشیر خارجہ سرتاج عزیز نے کہا وزیر اعظم نواز شریف نے اسی تناظر میں ترک قیادت سمیت دیگر سے رابطے کئے کیونکہ پاکستان مسلم امہ کا اتحاد چاہتا ہے جس کیلئے حکومتی سطح پر اور خارجہ محاذ پر کوششیں جاری ہیں۔ ان کا مزید کہنا تھا وزیر اعظم نواز شریف نے ترک قیادت سے ملاقات میں واضح کیا کہ ہمیں مل کر چلنا ہے اور پرامن حل تلاش کرنا ہے۔
