اسلا م آباد(نیوز ڈیسک)چیف جسٹس لاہور ہائی کورٹ منظور احمد ملک نے کہا ہے عوام کو بروقت انصاف نہ ملے اور وہ ہم سے مطمئن نہ ہو ، تو ہمارا کوئی مقصد نہیں۔ سسٹم کو خراب کہنے والے سمجھ جائیں ، دنیاوی معاملات ہمارے کنٹرول میں ہیں ، سسٹم کو خود ٹھیک کریں۔ یہ بات انہوں نے ملتان ہائی کورٹ میں سرکاری اداروں کے سربراہان اور ججز سے خطاب کرنے کے دوران کہی۔ انہوں نے کہا کہ فوری انصاف کی فراہمی میں پولیس اور ایڈمنسٹریشن کا کردار بھی اتنا ہی

مزید پڑھئے:نئی دلہن نے مرتے ہوئے دولہے کی خواہش پوری کر دی

اہم ہے جتنا عدلیہ کا ہے۔ گواہوں اور وکلاءکو تحفظ دینا پولیس کی ذمہ داری ہے۔ انہوں نے کہا کہ ہمارے سیاسی مسائل نہیں ہیں ہمارا کام صرف لوگوں کو انصاف کی فراہمی ہے۔ بروقت انصاف نہ ملنے پر عدم برداشت پیدا ہوتا ہے اور تشدد کا عنصر ابھرتا ہے جس سے معاشرے میں توازن برقرار نہیں رہتا۔ ادارے معاشرے میں توازن برقرار رکھنے کے لئے بنے ہیں۔ چیف جسٹس لاہور ہائی کورٹ نے کہا کہ ہم سب کو مل کر نئے جذبے سے کام کرنا ہو گا۔ ہم تنقید کرتے ہیں تو تعمیر بھی ہمیں ہی کرنی ہے۔ انہوں نے حکم دیا کہ ملتان ریجن کے تمام اضلاع کی عدالتوں کے اوقات میں بجلی کی لوڈ شیڈنگ بند کی جائے تا کہ عدالتی کارروائی متاثر نہ ہو۔