اسلام آباد: صدر ممنون حسین نے وزیراعظم نواز شریف کی جانب سے یمن کی کشیدہ صورت حال پر بلائے گئے پارلیمنٹ کے مشترکہ اجلاس کی منظوری دے دی ہے۔ وزیراعظم نواز شریف کی زیر صدارت گزشتہ روز ہونے والے اعلیٰ سطحی اجلاس میں یمن کی صورت حال کے حوالے سے 6 اپریل کو پارلیمنٹ کا مشترکہ اجلاس بلانے کا فیصلہ کیا گیا تھا جس کی اب صدر ممنوں حسین نے بھی منظوری دے دی ہے، اجلاس میں ارکان کو مشرق وسطیٰ کی صورتحال کے حوالے سے بریفنگ دی جائے گی اور سعودی عرب کی مدد کی درخواست پر ان کی رائے لی جائے گی۔