کراچی (نیوز ڈیسک)نارتھ کراچی میں پی ٹی آئی کے دفتر پر حملہ ہوا ہے جس میں 2کارکن زخمی ہو گئے ہیں ۔تفصیلات کے مطابق نارتھ کراچی میں پاور ہاوس کے قریب پی ٹی آئی کے دفتر پر نامعلوم افراد نے حملہ کیا ہے جس میں 2کارکن زخمی ہو گئے ہیں جن کو طبی امداد کیلئے ہسپتال منتقل کر دیا گیا ہے۔ترجمان پی ٹی آئی کا کہنا ہے کہ نامعلوم افراد نے دفتر میں توڑ پھوڑ کی اور کارکنوں کوتشدد کا نشانہ بنایا۔یاد رہے کہ آج جناح گراونڈ میں پی ٹی آئی اور ایم کیو ایم کے کارکنوں کے درمیان تصادم ہواتھا۔